איך בין נייגעריג אויך אויב דו האסט געזען דעם תפארת שלמה פ’ תבא באריכות, אז די מדה פון הסתפקות, זיין צופרידן פון וואס מען האט, גייט אן אויך ביי רוחניות, מען זאל זיין צופרידן מיט זיך וויפל רוחניות’דיג קנינים מען האט קונה געווען. און נישט זיין צובראכן נאר זיין השמח בחלקו, נישט מקנא זיין דעם חבר וואס איז אנגעקומען מער פון דיר, ממש אזוי ווי מען דארף זיין בגשמיות.

פון דעם מתתיהו חזן הגדול וואס איז געווארן סוף ימיו א צדוקי, האב איך קיינמאל נישט געהערט, איך וואלט געזאגט אויף אים תוכו זרק וקליפתו זרק, און מסתם דאס וואס דו זאגסט, תוכו אכל וקליפתו זרק, מיינסטו צוזאגן אז דו ווילסט אים יא הערן, מאך נישט פון אים עפעס וואס ער איז נישט”.

זיכער טאר מען נישט ווערן עקסיידעט פאר אזעלכע מענטשן, דאס איז ריכטיג אמונות תפלות, אויף דעם סיסטעם זענען געווען אסאך עבודה זרה’ס אמאליגע צייטן, זעה אין משך חכמה פ’ בא אז אזוי האבן געארבעט די עבודה זרה’ס פון די גוים, עס איז געווען אליל הגבורה, אליל היופי אליל העושר, א גוי וואס איז געווען גאר גוט אין עפעס האט מען געמאכט פאר אן עבודה זרה, און דאס איז שייך אויך ביי דעם מתתיהו, אז מען האט געמאכט פון אים א “אליל החזנות”, [אזוי פארשטיי איך פון דיינע ווערטער, איך האב פון אים קיינמאל בעפאר נישט געהערט] נאר די אידעלעך האבן דאס געדארפט כשר’ן האבן זיי געהאט זיין בארד, צו בארעכטיגן זייער פארגעטערטקייט און פארשמייליגקייט אין אים. און אז ער האט אראפגענומען זיין בארד, זענען זיי זייער צובראכן געווארן, ווייל זייער עבודה זרה אין וואס זיי האבן געגלייבט האט זיי אויסגעשפילט, להבדיל אזוי ווי ביי די נביאי הבעל, וואס האבן געשריגן “בעל ענני” און נישט באקומען קיין ענטפער.

חזנים זענען שטענדיג געווען מסוכן און זיך געוואקלט צווישן צד הקדושה און להיפך, צדיקים האבן געזאגט פארוואס זאגט מען אז חזנים זענען נערנים, ווייל היכל הנגינה איז נאנט צו היכל התשובה און אז ער כאפט זיך נישט אריין דארט, איז ער טאקע א נער. און זעט אויס אז וועט עס באגייט אזא שטות, איז טאקע אויף א “היי ריסק”…

אסאך הצלחה אויף ווייטער, אויב איך וועל נאך האבן עפעס מוסיף צו זיין וועל איך דיר בל”נ אריין שיקן, און אדרבה לאמיר הערן פון אנדערע אויך און דאס דיסקוטירן